БОЗ 30 МЛН.СОМОНӢ МАБЛАҒИ ИЛОВАГӢ БА БУҶА
Душанбе, 26 ноябр. (АМИТ «Ховар», Лаззат Диловарзод).- Ахиран дар ҷаласаи навбатии худ вакилони мардумӣ барои даровардани тағйиру илова ба моддаи 240 -и Кодекси андоз овоз доданд. Ёдовар мешавем, ки масъалаи андозбандии аксизӣ ба хизматрасонии операторони телефонҳои мобилӣ як сол боз мавриди омӯзиши вакилони мардумӣ дар Маҷлиси намояндагони Маҷлиси Олӣ қарор дошт ва ахиран рӯзи чоршанбеи 24 — уми ноябри соли 2010 дар ҷаласаи навбатӣ вакилони Маҷлиси намояндагон бо як овоз онро қабул намуданд. Ба гуфти вазири молия Сафаралӣ Наҷмиддинов, ба туфайли андозбандии аксизӣ ба хизматрасонии операторони мобилӣ ҳамасола ба буҷаи ҷумҳурӣ беш аз 30 млн сомонӣ маблағи иловагӣ ворид мешавад. Ногуфта намонад, ки андозбандии аксизӣ ба муштариёни телефонҳои мобилӣ ҳеҷ таъсир надорад. Андозбандии аксизӣ аз ҳисоби даромадҳои ширкатҳои мобилӣ, ки дар як сол беш аз 1млрд. 800 млн. сомонӣ маблағ ба даст меоранд, чун андози иловагӣ аз даромад пардохт мегардад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
