СОХТМОНЧИЁНИ НОҲИЯИ РӮДАКӢ ДАР ТАМОМИ ҶУМҲУРӢ КОР МЕКУНАНД

Душанбе, 3 ноябр. (АМИТ «Ховар», Лаззат Диловарзод).- Бино ба гуфти роҳбари дастгоҳи раиси ноҳияи Рӯдакӣ,  то 1- уми октябри соли 2010 сохтмончиёни 34 корхонаи сохтмонӣ ба маблағи 29 млн. 69 ҳазор сомонӣ корҳои сохтмонӣ — пудратиро  анҷом доданд. Аз ҳаҷми умумии корҳои пудратии ба анҷом расонидашуда, ба маблағи 2 млн. 11 ҳазор сомонӣ дар ҳудуди ноҳия, 14 млн. 378 ҳазор сомонӣ дар шаҳри Душанбе, 7 млн. 543 ҳазор сомонӣ дар вилояти Хатлон, 3 млн. 461 ҳазор сомонӣ дар ВМКБ, ба маблағи 888 ҳазор сомонӣ дар вилояти Суғд ва ба маблағи 790 ҳазор сомонӣ дар ноҳияҳои тобеи ҷумҳурӣ иҷро   шудааст.    Корхонаҳои сохтмонии ғайрисоҳавӣ  дар давоми 9 моҳ  ба маблағи умумии 8 млн. 510 ҳазор сомонӣ корҳои сохтмониро анҷом додаанд.    Дар давоми 9  моҳи соли ҷорӣ дар ноҳия 20 ҳазору 264 метри мураббаъ манзили истиқоматӣ сохта ба истифода дода шудааст.