ПЕШНИҲОДИ КАСБ ДАР «МАРКАЗИ ҶУМҲУРИЯВИИ РОҲНАМОИИ КАСБӢ»

Душанбе,  10 декабр. (АМИТ «Ховар»,Дилшодаи Ҷонмард). –            Тибқи  қарори Ҳукумати  Ҷумҳурии  Тоҷикистон №102 аз  03.03 с.2007  дар  бораи  ташкили  системаи  Агентии давлатии  ҳифзи  иҷтимоӣ шуғли  аҳолӣ  ва  муҳоҷират номи муассисаи  давлатии «Маркази  ҷумҳуриявии  роҳнамоии касбӣ» — ро  гирифтааст.            «Маркази  ҷумҳуриявии  роҳнамоии касбӣ» сиёсати  ягонаро  дар  соҳаи  роҳнамои  касбӣ  бо  назардошти  вазъи  иҷтимоӣ, демографӣ,  шуғли  аҳолӣ  дар  ҷумҳурӣ  амал   намуда, ба  ҷавонони  бекор  ва аз  кор  озодшуда  дар  интихобу иваз   намудани  касб,  инчунин   барои  бозомӯзии  шаҳрвандон (наврасон ва  калонсолон) кӯмаки  амалии  худро  мерасонад.          Дар  Марказ шӯъбаҳои   ташкили  методӣ  ва  ахбори  касбӣ,  машварати  касбӣ  ва  интихоби  касб,  тадқиқоти  иҷтимоӣ  ва  омӯзиши  афкори  умум,  дар  вилоятҳои  Хатлон,  Суғд шӯъбаҳои  машварати касбӣ ва  интихоби  касб,  дар  Кӯҳистони Бадахшон ва  ноҳияҳои  тобеи  марказ  бахшҳои машварати  касбӣ амал  мекунанд.             Бахши   машварати  касбӣ,  ки дар  шаҳру  ноҳияҳо мавҷуд аст, бо  муассисаҳои  таълимӣ  ва  корхонаҳои  давлатӣ  ва  ғайридавлатӣ  ҳамкорӣ намуда,  барои  бошуурона  интихоб  намудани  касб  аз  ҷониби ҷавонон ва  наврасон ҳамкорӣ менамояд, дар  ташкил  ва  гузаронидани  семинар – машваратҳо  низ  саҳм  мегузорад.             Кормандони  Марказ  то  имрӯз   дастур – тавсияномаҳоро, аз қабили «Машварат – омили  муҳимтарини  интихоби  касб», «Роҳҳои  беҳтар  намудани  касбинтихобкунии  наврасон, ҷавонон  ва  калонсолон»,  «Дастури психологияи  амалӣ», «Психология дар  роҳнамоии  касбӣ», «Тавсияи  методӣ оид ба  гузаронидани  машваратҳои  касбӣ  бо  аҳолии  бекор  ва  шахсони  корчӯ пешниҳод  намудаанд.