ТАЪМИНИ СИЁСАТИ ЯГОНАИ СТАНДАРТОНӢ ДАР КИШВАР

        Душанбе, 9 декабр.(АМИТ «Ховар», Марзия Саидова).- «Қонуни Ҷумҳурии Тоҷикистон «Дар бораи стандартонӣ», ки аз ҷониби вакилони палатаи поёнии парлумони мамлакат қабул гардид, дар мавриди ба низом даровардани муносибатҳои ҳуқуқӣ ва ташкилӣ дар соҳаи стандартонӣ нақши муассир мегузорад», гуфт зимни баррасии ин қонун Директори Агентии стандартизатсия, метрология, сертификатсия ва нозироти савдои назди ҳукумати ҷумҳурӣ  Давлаталӣ Ҳотамов дар парлумони кишвар.       Мавсуф афзуд, ки қонуни мазкур ҳамзамон, принсипҳои асосии стандартонӣ, ҳуқуқӣ ва ӯҳдадориҳои иштирокчиёни корҳо оид ба стандартониро дар Ҷумҳурии Тоҷикистон ба низом дароварда, таъмини сиёсати ягонаро дар ин соҳа ҷиҳати ворид гардидани Ҷумҳурии Тоҷикистон ба Созмонҳои байналмилалӣ, аз ҷумла Созмони ҷаҳонии савдо таъмин менамояд.       Давлаталӣ Ҳотамов афзуд, ки қонуни мазкур идомаи силсилаи қонунҳои Ҷумҳурии Тоҷикистон, ки дар самти танзими техникӣ нисбат ба соддагардонӣ, кам намудани монеаҳои техникӣ ва ҳамоҳангсозии расмиёти савдои беруна таҳия ва қабул шудаанд, ба шумор меравад.