УСТОДИ ВАРЗИШ ДАРГУЗАШТ
Душанбе, 16 декабр. (АМИТ «Ховар», Дилшодаи Ҷонмард).- 14 декабри соли равон риштаи умри Устоди шоистаи варзиши Ҷумҳурии Тоҷикистон, мураббии шоистаи Ҷумҳурии Тоҷикистон, собиқадори варзиш, сардори раёсати варзиши Кумитаи миллии олимпӣ, ягона профессори соҳаи варзиши кишвар Бобоҷонов Анвар Қӯзиевич канда шуд. Бояд тазаккур дод, ки ин фарзанди баруманди миллат фаъолияташро ҳанӯз аз замони Шӯравӣ оғоз намуда, то охири ҳаёт барои рушди соҳаи варзиши мамлакат ва тарбияи варзишгарони беҳтарин хизматҳои арзанда кардааст. Ҳаёту фаъолияти Бобоҷонов Анвар Қӯзиевич барои наврасону ҷавонони зиёд, пайравону ҳаводоронаш мактаби намунавӣ буду ҳаст. Мутаассифона, ин абармарди олами варзиши мамлакат бар асари беморӣ дар синни 63-солагӣ чашм аз олами ҳастӣ пӯшид. Марги беамон ҷисму ҷони ӯро аз байн бурд, вале ёдаш садсолаҳо дар хотираҳо боқӣ мемонад.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
