ДУ ПАТЕНТИ ПАЖӮҲИШГОҲИ БОҒУТОКПАРВАРӢ

    Душанбе, 17 январ. (АМИТ «Ховар», Лаззат Диловарзод).- Бино ба иттилои саркотиби илмии Академияи илмҳои кишоваврзӣ Давлатҷон Комилзода, олимони Пажӯҳишгоҳи боғутокпарварию сабзавоткорӣ барои навъҳои нави ноҳиябандишудаи шафтолуи «Зарнигор» ва пиёзи барвақтии «Аброрӣ» сазовори ду патент шуданд.   Бино ба иттилои ҳамин манбаъ, соли сипаришуда аз тарафи олимони Пажӯҳишгоҳ се навъи қаламфури тез аз қабили: қаламфури навъи «Серҳосил», «Ханҷар» ва «Зулфи сурх» дар ҳамкорӣ бо Маркази умумиҷаҳонии сабзавоткории Тайван ва помидори навъи «Акбаралӣ» (дар шароити гармхонаҳо) барои санҷиши давлатӣ ба таври расмӣ қабул карда шуданд. Оид ба навъи селексия сабзии «Тиллоранг» олимони филиали Пажӯҳишгоҳи суғдии Академияи илмҳои кишоварзӣ санҷиши васеи истеҳсолӣ гузарониданд.