НАШЪАҶАЛЛОБРО БОЗДОШТАНД

    Душанбе, 13 январ. (АМИТ «Ховар», Анварбек Сиддиқов). – Чанде қабл кормандони шӯъбаи мубориза ба зидди гардиши ғайриқонунии маводи нашаъовари ШКД-и шаҳри Бохтар дар натиҷаи гузаронидани амалиёти махсус сокини ҳамин ноҳия Сайфиддин Неъматовро боздошт намуданд. Ҳангоми кофтуков аз пешайвони манзили истиқоматии номбурда 15 адад бастаи селофанӣ, ки дар дохилаш мувофиқи маълумотномаи шӯъбаи ташхиси криминалӣ 2 килограмму 325 грамм афюн буд, ёфт ва мусодира карда шуд.    Тавре аз ВКД-и ҷумҳурӣ ба АМИТ «Ховар» хабар доданд, оид ба ин қазия парвандаи ҷиноӣ оғоз карда, тафтиш идома дорад.