ҚАБУЛИ БАРНОМАИ БЕҲДОШТИ САЛОМАТИИ ҶАВОНОН

  Душанбе, 4 феврал. (АМИТ «Ховар», Бекназари Абӯбакр). — «Барномаи рушди саломатии ҷавонон дар вилояти Суғд барои солҳои 2011-2013» тибқи қарори раиси вилояти Суғд Қоҳир Расулзода аз 31 январи соли ҷорӣ қабул гардид. Дар ин бора ба АМИТ «Ховар» аз хадамоти матбуоти раиси вилоят иттилоъ доданд.    Тадбири мазкур баҳри баланд бардоштани самаранокии татбиқи сиёсати давлатии ҷавонон ва беҳтар намудани вазъи саломатии ҷавонони вилоят роҳандозӣ шудааст.    Тибқи ин қарор ба Сарраёсати молияи вилоят супориш дода шуд, ки аз ҳисоби маблағҳои бақияи озоди буҷети вилоят ба ҳисоби Раёсати ҷавонон, варзиш ва сайёҳии вилоят 50 ҳазор сомонӣ гузаронад.