ДОНИШҶӮЙ БАНГДОНА МЕБУРД

Душанбе, 2 феврал. (АМИТ «Ховар», Анварбек Сиддиқов). — Кормандони Агентии назорати маводи нашъадори назди Президенти Ҷумҳурии Тоҷикистон дар ҳудуди шаҳри Қурғонтеппа дар натиҷаи як амалиёти бобарор аз гардиши ғайриқонунии маводи мухаддир  миқдори зиёди бангдонаро мусодира намуданд. Тавре аз маркази матбуоти Агентӣ   ба АМИТ «Ховар» иттилоъ доданд, зимни гузаронидани   амалиёт аз дохили  борхалтаи донишҷӯи курси чоруми Донишгоҳи давлатии ба номи Носири Хисрав маводи гиёҳмонанди дорои бӯйи махсус  ёфт ва мусодира  шуд.               Мувофиқи маълумоти ташхиси   озмоишии Агентии мазкур маводи мусодирашуда маводи нашъаовари навъи бангдона буда, вазни он 3 килограммро ташкил дод. Оид ба ин ҳодиса парвандаи ҷиноӣ оғоз   шуда, тафтиш идома дорад.