ҲҲДТ ОИЛАҲОИ КАМБИЗОАТРО ДАСТГИРӢ НАМУД

  Душанбе, 10 март. (АМИТ «Ховар», Бекназари Абӯбакр). — Бо ташаббуси Кумитаи иҷроияи Ҳизби Халқӣ- Демократии Тоҷикистон дар вилояти Суғд ва кумитаи шаҳрии ҲХДТ дар шаҳри Исфара тўйи суннатии 8 нафар писарбача аз оилаҳои камбизоати деҳаи Чоркўҳ доир гардид.   Чорабинии мазкур дар партави супоришу нишондодҳои Сарвари давлат, Раиси ҲХДТ Эмомалӣ Раҳмон, раиси вилояти Суғд, муовини аввали Раиси Маҷлиси Миллии Маҷлиси Олии Ҷумҳурии Тоҷикистон Қоҳир Расулзода баргузор шуд. Ҳадаф аз он дар амал татбиқ кардани нақшаҳои ҳизбӣ, беҳдошти рўзгори халқ, дастгирии мўҳтоҷону оилаҳои камбизоат ва ҳарчӣ бештар бо мардум наздик будану мусоидат дар ҳалли мушкилоти онҳо мебошад.   Бояд гуфт, ки хатнатўйи фарзандони оилаҳои  Ҳаёт Муродзода, Султон Деҳқонзода, Мурод Мухторзода, Шафқатулло Садриддинов, Субҳониддин Ортиқов, Исломиддин Очилов, Акбарҷон Сафоев ва Беҳрўз Шаҳобов дар ҳавои савту навои дилангез ва таронаҳои ҷозиби ҳунарманди шоистаи Тоҷикистон Исроилҷон Файзиддинов   ҷараён гирифт.           Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар рафти тўйи суннатӣ раиси Кумитаи иҷроияи вилоятии ҲХДТ Бибихон Азизова ва раиси шаҳри Исфара Субҳониддин Ашўров изҳор намуданд, ки минбаъд низ мекўшанд то дар самти осон кардани мушкилоти мардум ва дастгирии оилаҳои камбизоат нерў ва имкониятҳои худро дареғ надоранд.