ТОҶИКИСТОН ДАР ҶОИ ДУЮМ

   Душанбе, 11 март. (АМИТ «Ховар», Лаззат Диловарзод).- Бонки марказии Федератсияи Русия дар ҳисоботи солонаи худ ҳаҷми умумии интиқоли маблағро миёни Тоҷикистону ФР ба андозаи 2 млрд. 299 млн.доллари амрикоӣ  нишон додааст.    Тибқи маълумоти интишор намудаи Бонки марказии ФР, дар соли 2010 аз ФР ба Ҷумҳурии Тоҷикистон 2 млрд. 216 млн. доллари амрикоӣ ва аз Тоҷикистон ба ФР ба андозаи  83 млн. доллари амрикоӣ маблағ интиқол  шудааст.    Аз рӯи ҳаҷми умумии интиқоли маблағ Ҷумҳурии Ӯзбекистон бо 2 млрд. 845 млн.доллари амрикоӣ дар ҷои аввал, Ҷумҳурии Тоҷикистон бо 2 млрд. 216 млн. доллар дар ҷои дуюм ва Ҷумҳурии Украина бо 1 млрд. 809 млн. доллари амрикоӣ дар ҷои сеюм қарор доранд.