ТАЪСИРИ МАНФИИ АМАЛҲОИ КОРРУПСИОНӢ БА ҶОМЕА

Душанбе, 4 июн. (АМИТ «Ховар», Дилшодаи Хайруллоҳ). — Дар Коллеҷи тиббии ҷумҳуриявии Вазорати тандурустии Ҷумҳурии Тоҷикистон вохӯрии донишҷӯён  ва  устодон бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон  баргузор гардид.  Дар вохӯрӣ пиромуни зарару таъсири манфии амалҳои  коррупсионӣ дар ҷомеа ва оқибатҳои нохуши он сухан гуфтанд.  Бо мақсади дар амал татбиқ намудани дастуру супоришҳои роҳбарияти давлату Ҳукумати Ҷумҳурии Тоҷикистон аз ҷониби Вазорати тандурустӣ барномаи  зиддикоррупсионӣ таҳия гардид. Дар коллеҷи мазкур имтиҳонҳо тариқи тестӣ гузаронида шуда, рафти имтиҳонҳо   ба таври ҷиддӣ назорат  мешаванд.