Тараддуди картошкапарварони Ховалинг

Кӯлоб, 25 июл. (АМИТ «Ховар», Сулаймон Холов). – Солҳои охир дар нохияи Ховалинг ба парвариши картошка таваҷҷӯҳи хоса зоҳир мегардад. Дар ҳамин радиф хоҷагии ҷангали ба номи Сайдаҳмад Каримов низ дар майдони ҳафт гектар парвариши навъҳои беҳтарини картошкаро роҳандозӣ намудааст
 
Агар дар соли 2010 кишоварзони нохия дар майдони 125 гектар картошка кишт карда бошанд, соли чори майдони умумии кишти ин зироатро ба 350 гектар расонидаанд.
 
Аҳли заҳмат ният доранд, ки аз ҳосили картошкаи имсола на танҳо эҳтиёҷоти сокинони ноҳия, инчунин сокинони вилояту ҷумҳуриро низ қонеъ гардонида, навъҳои беҳтарини тухмии картошкаро соли оянда ба деҳқонони дигар ноҳияҳо бо нархи нисбатан арзон фурӯшанд.