Бунёди 60 иншооти ҷашнӣ дар Кӯлоб

Кўлоб, 1 август. (АМИТ «Ховар», Сулаймон Холов). – Дар шаҳри Кӯлоб бо иштироки хабарнигорони ВАО нишасти матбуотӣ баргузор гардид. Ҷонишини раиси шаҳр Файзалӣ Қурбонов аз натиҷаҳои ҷамъбасти шаш моҳи соли ҷорӣ ба хабарнигорон маълумот дода гуфт, ки яке аз вазифаҳои муҳим тайёрӣ ба ҷашни 20- солагии Истиқлолияти давлатии ҶТ ба шумор рафта, дар ин самт корҳои сохтмонӣ ва васлгарӣ вусъати тоза мегиранд. Ба иттилои манбаъ соҳибкорони шаҳр бахшида ба ҷашни фархунда сохтмони 60 иншоотро ба ӯҳда гирифтаанд, ки як қисми он ба истифода дода шудааст.