Таҷлили Рӯзи кормандони тиб дар Суғд

Душанбе, 18 август. (АМИТ «Ховар», Бекназари Абӯбакр). — 17 августи соли ҷорӣ бахшида ба Иди касбии кормандони соҳаи тиб — Рўзи кормандони тибби Ҷумҳурии Тоҷикистон дар шаҳри Хуҷанд маҷлиси тантанавӣ бо иштироки кормандон ва собиқадорони соҳа баргузор гардид. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар ин ҷамъомад ба 17 нафар кормандони соҳаи тиб барои саҳми арзандаашон дар рушду нумўи соҳа ва тарбияи мутахассисони ҷавон Сипосномаи мақомоти иҷроияи ҳокимияти давлатии вилоят ва ба 40 нафар нишони сарисинагии «Аълочии тандурустии Ҷумҳурии Тоҷикистон» супорида шуд.