Дар 8 моҳ 12 ҳазору 119 ҷиноят

Душанбе, 29 сентябр. (АМИТ «Ховар», Лаззат Диловарзод). — Тибқи маълумоти оид ба ҷинояткорӣ таи 8 моҳи соли ҷорӣ, ки Агентии назорати маводи нашъаовари назди Президенти ҶТ, Прокуратураи ҳарбӣ, Хадамоти гумрук, Кумитаи назорати давлатии молиявӣ ва мубориза бо коррупсия ва Кумитаи давлатии амнияти миллӣ ба Агентии омори назди Президенти ҶТ пешниҳод кардаанд, 12 ҳазору 119 ҷиноят ба қайд гирифта шудааст.Дар моҳҳои январ – августи соли 2011 шумораи ҷиноят 26,5 фоиз зиёд шудааст. Аз ҷумла дар давоми 8 моҳи соли ҷорӣ шумораи ҷиноят дар вилояти Суғд 45,1 фоиз, шаҳри Душанбе 27,3, ноҳияҳои тобеи ҷумҳурӣ — 23, 7, ВМКБ – 16,8 ва дар вилояти Хатлон 8,1 фоиз зиёд шудааст. Танҳо дар моҳҳои январ – августи соли 2011 2422 ҷинояти вазнин ба қайд гирифта шудааст, ки нисбат ба ҳамин давраи соли 2010 49, 3 фоиз зиёд мебошад.