Машварати давлатҳои аъзои СҲШ дар Душанбе

Душанбе, 29 сентябр. (АМИТ «Ховар», Лутфия Эшонқулова). – 28 сентябр дар шаҳри Душанбе таҳти раёсати раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон Ҳ.А. Латифов машварати шашуми роҳбарони идораҳои давлатҳои аъзои Созмони Ҳамкории Шанхай баргузор гардид, ки дар он намояндагони Ҷумҳурии Қазоқистон, Ҷумҳурии Мардумии Чин, Ҷумҳурии Қирғизистон, Федератсияи Русия, Ҷумҳурии Тоҷикистон ва Ҷумҳурии Ӯзбекистон иштирок доштанд.Дар ҷараёни машварат роҳбарони ҳайатҳо дурнамои рушди ҳамкории бисёрҷониба дар бахши ҷилавгирӣ ва барҳам додани ҳолатҳои фавқулодда дар чаҳорчӯбаи СҲШ – ро мавриди муҳокима қарор доданд. Аз рӯи натиҷаи машварат Протокол имзо кардид. Машварат дар вазъияти амалӣ ва дӯстона сурат гирифт. Дар ин бора ба АМИТ «Ховар» дар дафтари матбуоти Кумитаи ҳолатҳои фавқулодда ва мудофиаи граждании Ҷумҳурии Тоҷикистон хабар доданд.