Се ноҳияи пешсафи пахтакори ҷумҳурӣ

Душанбе, 19 сентябр. (АМИТ «Ховар», Лаззат Диловарзод). — Соли ҷорӣ дар майдони 201 ҳазору 112 гектар   пахта кишт ва   хуб парвариш шудааст,- иброз доштанд дар Раёсати растанипарварии Вазорати кишоварзӣ ба мухбири АМИТ «Ховар». Ба иттилои мутахассисони соҳа, дар назар аст, ки соли ҷорӣ 390 ҳазор тонна пахта ҷамъоварӣ карда шавад. Аммо ҳосили рӯёнидаи пахтакорон бозгӯи он аст, ки имсол беш аз 400  ҳазор тонна пахта ҷамъоварӣхоҳад шуд.   Айни замон ҷамъоварии пахта дар ноҳияҳои Бохтар, Вахш ва Хуросони Вилояти Хатлон хеле хуб аст. Кишоварзони вилоят ҳар рӯз ба андозаи 8 ҳазору 300 – 8 ҳазору 400 тонна  пахта ҷамъоварӣ менамоянд. Аз аввали мавсими пахтачинӣ  дар вилоят беш аз 90 ҳазор тонна пахта ҷамъоварӣ   шудааст. Пахтакорон аз рӯзҳои офтобӣ самаранок истифода бурда,  ҷамъоварии пахтаро босуръат метезонанд.