Ҳаҷми боркашонӣ афзуд

Душанбе, 25 октябр. (АМИТ «Ховар»,  Покиза  Маҳмадбекова). – Тайи  9 моҳи  соли равон дар  Тоҷикистон тавассути  ҳамаи  намуди  нақлиёт  46,5  миллион  тонна  бор  кашонида шуд, ки  назар  ба  нишондиҳандаҳои  ҳамин  давраи  соли гузашта  4,2 фоиз  зиёд  аст. Мувофиқи  маълумоти  агентии  омори  назди  Президенти ҷумҳурии  Тоҷикистон, дар давраи  ҳисобот  тавассути  нақлиёти  роҳи  оҳан  беш  аз 6,9 миллион  тонна  бор  кашонида шудааст, ки  ин  90,9 фоизи  сатҳи давраи   дахлдори  соли  гузаштаро ташкил  медиҳад. Тавассути  нақлиёти  автомобилӣ  зиёда  аз  39,6  миллион  тонна  бор  кашонида шудааст. Афзоиши  ҳаҷми  боркашонӣ  тавассути  нақлиёти  автомобилӣ  нисбат  ба  ҳамин  давраи  соли  гузашта  баробари  6,9 фоиз  буд. Моҳҳои  январ — сентябри  соли  ҷорӣ  тавассути  ҳамаи  намуди  нақлиёти  мусофирбар 385,3  ҳазор  мусофир кашонида шуд, ки  назар  ба  ҳамин  давраи  соли  2010  баробари  4,7  фоиз  зиёд  аст.