Барқарор намудани мактаб дар ноҳияи Тавилдара

Душанбе, 28 октябр. (АМИТ «Ховар», Мавҷуда Анварӣ). — Мактаби таҳсилоти умумии рақами 10-и ноҳияи Тавилдара баъди тармиму таҷдид  мавриди истифода қарор гирифт. Дар маросими ба истифода додани мактаби мазкур кормандони масъули сафорати ИМА ва мақомоти иҷроияи ҳокимияти давлатии ноҳияи Тавилдара иштирок намуданд. Дар бозсозии мактаби мазкур саҳми Ҳукумати Иёлоти Муттаҳидаи Амрико назаррас аст. Мактаби таъмиршуда барои  зиёда аз 120 талаба имкони таҳсилро фароҳам оварда, шароити донишомӯзии онҳоро беҳтар мегардонад. «Барномаи ироаи  ёрии башардӯстона дар холатҳои фавқулодда ба аҳолии шаҳрвандӣ дар хориҷа» дар департаменти мудофиаи ИМА барои барқарорсозии мактаб 48 900 доллар масраф намуд.