Бозиҳои интихобии наврасони Осиё дар Тошканд

Душанбе, 6 октябр. (АМИТ «Ховар», Аловиддин Бӯриев). —  Варзишгарони навраси то 16- солаи мамлакат дар сабқати  бозиҳои интихобии ҷоми Осиё  оид ба футбол дирӯз бо дастаи Қирғизистон вохӯрии худро баргузор намуда, бо ҳисоби 2 бар 0 ғолиб омаданд. Тӯбҳоро Комрон Турсунов дар дақиқаи 17-ум ва  Амирбек Ҷӯрабоев дар дақикаи 33-ум ба ҳадаф расониданд. Дар ин гурӯҳ соҳибони майдон- наврасони Ӯзбекистон бо ҳисоби калони 9 бар 0 футболбозони Ҳиндустонро шикаст доданд.  Футболбозони тоҷик рӯзи 7 октябр бо наврасони Ҳиндустон ва  9 октябр бо соҳибони майдон рақобат хоҳанд кард. Вобаста ба бозиҳои интихобии наврасони то 16 — сола ёдрас мешавем, ки дар гурӯҳҳои боқимонда аллакай ғолибон муайян шудаанд. Ҳамин тавр, аз гурӯҳи «А» Мунтахаби Ироқ, дар гурӯҳи «Б» Яман, дар гурӯҳи «Е» Куриёи Шимолӣ, дар гурӯҳи «Ф» Ҷопон ва дар гурӯҳи « Ҷ» Таиланд соҳибони ҷойҳои аввал гардиданд.