Даргузашти Сафаралӣ Раҷабов

Душанбе, 6 октябр. (АМИТ «Ховар», Марзия Саидова). — Шоми 5 октябр дар синни 56 -солагӣ собиқ Раиси Маҷлиси Олии Ҷумҳурии Тоҷикистон, вакили Маҷлиси намояндагони Маҷлиси Олии Ҷумҳурии Тоҷикистон Сафаралӣ  Раҷабов бар асари сактаи қалб аз олам гузашт. Тибқи иттилои котиби матбуотии Маҷлиси намояндагон Муҳаммадато Султонов маросими ҷанозаи Сафаралӣ Раҷабов соати 11-и  6 октябр дар саҳни масҷиди  Ҳоҷӣ Яъқуби Чархӣ баргузор мегардад.Сафаралӣ Раҷабов 2 сентябри соли 1955 дар деҳаи Чилчаи ноҳияи Файзобод ба дунё омадааст. Хатмкунандаи донишгоҳи кишоварзӣ буда, аз соли 1972 то солҳои 90-ум дар муассисаҳои мухталифи таълимии ноҳияи Файзобод, ба ҳайси омӯзгор ва раҳбар кор кардааст.Солҳои 1990 то 1995 ба сифати вакили мардумӣ интихоб шуда, ҳамзамон раисии Кумитаи Маҷлиси намояндагони Маҷлиси Олии Ҷумҳурии Тоҷикистон оид ба сохтори давлатӣ ва худидоракунии маҳаллиро ба зимма дошт. Сар аз соли 1995 то соли 2000 ба ҳайси раиси Маҷлиси Олӣ ифои вазифа менамуд.  Ҳамзамон дар солҳои 2000 то 2005 дар мансаби вазири маорифи ҷумҳурӣ фаъолият намудааст.Аз соли 2005 то инҷониб дар ду давра ба ҳайси вакили Маҷлиси намояндагони Маҷлиси Олии Ҷумҳурии Тоҷикистон интихоб шуда, дар вазифаи раиси Кумитаи Маҷлиси намояндагони Маҷлиси Олии Ҷумҳурии Тоҷикистон, оид ба сохтори давлатӣ ва худидоракунии маҳаллӣ кор кардааст.Ҷасади марҳум имрӯз дар оромгоҳи Лучоб ба хок супорида мешавад.