Фарҳанг ҳастии миллат аст

Хоруғ, 14 октябр. (АМИТ «Ховар»,  Л. Додо). — Имрӯзҳо аз  боби  рафъи костагии  фарҳанг роҳбарони  ВМКБ бо  сокинони  шаҳри  Хоруғ  вохӯриҳо мегузаронанд. Тавре  аз  мақомоти иҷроияи ҳокимияти  давлатии  вилоят иттилоъ доданд,  чунин  вохӯриҳо дар  навоҳии  вилоят низ рӯи  кор  меоянд. Вохӯриҳо аллакай  дар  мактаби  президентӣ, литсейи  Оғохон ва  макотиби  дигари  шаҳр  гузаронида  шуданд. Дар  литсейи Оғохон раиси  вилоят Қодири  Қосим   ширкат  варзида,  аз  боби  афзудани теъдоди  нашъамандон  ва  нуқтаҳои  фурӯши  маводи  муҳаддир,  сатҳи  пасти  таълиму  тарбия  ва  коста  гардидани  ахлоқи  наврасон изҳори  нигаронӣ  кард.