Маҷлиси Шӯрои фармондеҳони қӯшунҳои сарҳадӣ
Душанбе, 7 октябр. (АМИТ «Ховар», Пайрав Назаров). – Имрӯз, 7 октябр, дар шаҳри Ереван иҷлосияи 66 — уми Шӯрои фармондеҳони қӯшунҳои сарҳадӣ баргузор мегардад.Тавре ба АМИТ «Ховар» дар дафтари матбуоти Кумитаи иҷроияи ИДМ иттилоъ доданд, аъзои Шӯро қариб 10 масъала, аз ҷумла вазъияти сарҳадҳои хориҷии давлатҳои аъзои ИДМ ва тамоюлҳои рушди он, натиҷаи пешакии амалиёти махсуси муштарак ва чорабиниҳои фаврии профилактӣ, ҷараёни кор бобати ташкили системаи автоматии мубодилаи босуръати иттилоот, лоиҳаҳои ҳуҷҷатҳоеро, ки фаъолияти Шӯроро танзим менамоянд, мавриди баррасӣ қарор медиҳанд. Дар маҷлис ҳамчунин бояд эҳтиёҷот ба расонидани кӯмаки моддию техникӣ ба идораҳои сарҳадии Қирғизистону Тоҷикистон, фаъолияти илмию тадқиқотӣ дар чаҳорчӯбаи Шӯрои фармондеҳон, лоиҳаи Низомномаи Машварати доимии роҳбарони сохторҳои кории мақомоти ИДМ баррасӣ шавад. Ғайр аз ин Нақшаи кори Шӯро барои соли 2012 ва як қатор масъалаҳои дигар мавриди муҳокима қарор мегиранд.Хотирнишон месозем, ки Шӯрои фармондеҳони қӯшунҳои сарҳадӣ, ки 6 июли 1992 таъсис ёфта буд, ҳамоҳангсозии ҳамкории байнидавлатӣ дар бахши ҳифзи сарҳадҳоро таъмин менамояд.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
