Мактаббачагон ба таътили тирамоҳӣ мебароянд?

Душанбе, 25 октябр. (АМИТ «Ховар», Людмила Дубинина). – Оё мактаббачагон ба таътили тирамоҳӣ ва баҳорӣ мебароянд? Бо чунин суол хабарнигори АМИТ «Ховар» ба раёсати муассисаҳои томактабӣ ва мактабҳои таҳсилоти умумии Вазорати маорифи ҷумҳурӣ муроҷиат намуд.   Тибқи суханони сардори раёсати мазкур Файзулло Партоев аз 1 то 8 ноябр таътили тирамоҳӣ эълон шудааст ва ин танҳо ба хонандагони синфҳои ибтидоӣ тааллуқ дорад. Аз 1 то 26 январ хонандагони ҳамаи синфҳо (аз 1 то 11) ба таътили зимистона мебароянд  Ӯ ҳамчунин хотирасон намуд, ки 25 май барои хонандагони синфҳои 5 ва 11 занги камолот садо медиҳад. Соли таҳсил барои синфҳои ибтидоӣ 31 май анҷом меёбад.   «Таътили зимистонаи давомдор барои он ташкил гардидааст,  то дар ин давра муаллимон  дар семинар ва шӯроҳои методии ноҳиявию шаҳрӣ ширкат варзанд», — илова намуд ӯ.