Марҳамат ба пойгаи аспдавонӣ

Душанбе, 6 октябр. (АМИТ «Ховар», Дилшодаи Хайрулло). – 9 октябри соли 2011 дар «Наврӯзгоҳи  пойтахт»-и  шаҳри Душанбе бо мақсади инкишофи оммавӣ ва маъмул гардонидани аспдавонӣ байни аҳолӣ ва  бахшида ба 20-солагии Истиқлолияти давлатии Ҷумҳурии Тоҷикистон мусобиқаи ҷумҳуриявӣ оид ба аспдавонии пойгаи равон гузаронида мешавад.Дар ин мусобиқа варзишгарони синнашон аз 16 боло бо  аспҳои 2 сола, 3 сола, 4 сола ва аз 4 сола боло дар  масофаҳои 1000 метр, 1600 м ва 2000 метр бо ҳам  қувваозмоӣ хоҳанд кард.  Дар ин бора ба мухбири  АМИТ «Ховар» мутахассиси пешбари бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Саломат Шарипова иттилоъ дод.