Нафақаи андӯхт ҳисобӣ ва таъин гардид

Душанбе, 6 октябр. (АМИТ «Ховар», Лаззат Диловарзод).- Тавре аз маркази иттилотии Агентии давлатии суғуртаи иҷтимоии аҳолии Ҷумҳурии Тоҷикистон ба мухбири АМИТ «Ховар» иттилоъ доданд, бо мақсади иҷрои қарори Ҳукумати ҷумҳурӣ аз 31 – уми декабри соли 2008 «Дар бораи қоидаҳои пардохти маблағҳои андӯхти нафақавӣ аз ҳисобномаҳои инфиродии шахсони суғурташуда» тибқи ҳисоботи фаврии пешниҳоднамудаи марказҳои минтақавии баҳисобгирии инфиродии шаҳру ноҳияҳои ҷумҳурӣ барои пардохти маблағҳои андӯхти нафақавӣ аз 1-уми январи соли 2011 то 30 – юми снтябри соли 2011 18 ҳазору 344 ариза қабул карда шудааст, ки тибқи онҳо ба 17 ҳазору 29 нафар ба миқдори 2 млн. 435 ҳазору 346 сомонӣ маблағи андӯхт пардохт гардидааст. Аз он ҷумла тавассути Бонки давлатии амонатгузории «Амонатбонк» ба 11 ҳазору 681 нафар ба миқдори 11 млн.994 ҳазору 23 сомонӣ ва аз тариқи ҷойи кор 5348 нафар ба маблағи умумии 12 млн.401 ҳазору 116 сомонӣ маблағҳои андӯхти нафақавӣ ҳисобӣ ва таъин карда шуд.