Сохтмони пули нави Шӯробод оғоз меёбад

Душанбе, 31 октябр. (АМИТ «Ховар», Дилшодаи Хайруллоҳ). -Имрӯз, 31-уми октябр, Шоҳзода Карим Оғохони 4 ва Президенти Ҷумҳурии  Тоҷикистон Эмомалӣ Раҳмон,  дар маросими оғози сохтмони иншооти нави Шӯробод ширкат хоҳанд варзид. Пули мазкур пули панҷумин аст, ки дар чаҳорчӯбаи ҳамкории байнисарҳадии Ташкилоти Оғохон оид ба рушд (АКDN)   сохта шуда, ноҳияҳои Шӯрободи вилояти Хатлон ва вулусволии Хоҳони Афғонистонро бо ҳам мепайвандад. Дарозии ин пул 162 метр, бараш 3, 5 метр ва зарфияти борбардориаш то 30 мт мебошад. Ин лоиҳаро Бунёди Оғохон бо маблағи Ҳукумати Олмон амалӣ мекунад.