«ЕРА» корхонаи истеҳсолӣ бунёд карданист

Душанбе, 7 декабр.(АМИТ «Ховар», Марзия Саидова).-Дар Вазорати энергетика ва саноати ҷумҳурӣ протоколи ҳамкорӣ оид ба омӯзиши масъалаҳои бунёди корхонаи истеҳсоли таҷҳизоти гидроэнергетикӣ, гидромеханикӣ ва электромеханикӣ дар Ҷумҳурии Тоҷикистон ба имзо расид. Протоколи ҳамкориро аз ҷониби Тоҷикистон муовини вазири энергетика ва саноати ҷумҳурӣ Хайрулло Маҳмадуллоев ва аз ҷониби Туркия директори гурӯҳи «ЕРА» Алпай Унал ба имзо расониданд. Дар асоси протоколи ҳамкорӣ гурӯҳи «ЕРА»-и Туркия масъалаи имконияти бунёди корхонаҳоро оид ба истеҳсоли таҷҳизоти барқӣ, энергетикӣ, таъсиси корхонаҳои алоҳида ва муштарак, тайёр кардани мутахассисонро дар Ҷумҳурии Тоҷикистон мавриди омӯзиш қарор медиҳад.