Озмуни «Донишҷӯи сол»

Хоруғ, 24 январ. (АМИТ «Ховар», Л.Додо ). – Бори дуввум аст, ки бо ибтикори шӯъбаи кор бо ҷавонони Донишгоҳи давлатии шаҳри Хоруғ озмуни «Донишҷӯи сол» баргузор мегардад. Мавзӯи асосии даври якуми озмун «Ҷавонон ва дунёи муосир», «Ҳаёти солим интихоби мост», «Ҷавонон ва идораи давлат», «Ҷавонон ва ахлоқи хамида», «Нашъамандиву нашъаҷаллобӣ» ва амсоли инҳо буд. Ба озмун 14 нафар донишҷӯёни факултаҳои гуногуни донишгоҳ номнавис шуданд. Озмун дар панҷ давр баргузор гардида, ғолибони он моҳе бо 50 сомонии идрорпулии шӯъбаи кор бо ҷавонони донишгоҳ мушарраф мегарданд.