“Паок” ҷазо мегирад

Душанбе, 12 январ. ( АМИТ «Ховар», Аловиддин Бӯриев).- Кумитаи одоби Федератсиони аврупоии футбол клуби футболи “Паок”-и Юнонро ба маблағи 250000 евро ҷарима баст. Ин даста ҳамчунин дар се соли наздик аз ҳуқуқи иштирок дар бозиҳои Ҷоми ин федератсия маҳрум карда шуд. Сабаби асосии ин муҷозот он будааст, ки клуб асноди литсензионӣ надоштааст. УЕФА шарт гузоштааст, ки агар даста то 30 июни соли равон қарзи андоз, клубҳои дигар ва кормандонашро пардохт кунад, 200 000 еврои қарз кам карда мешавад.