Таҷҳизоти нави фурудгоҳи пойтахт

Душанбе, 24 январ. (АМИТ «Ховар», Кристина Эрлих). – Фурудгоҳи байналмилалии шаҳри Душанбе ба маблағи беш аз 12 миллион сомонӣ таҷҳизоту техникаи нави ҳавопаймоӣ ба даст овард. Директори генералии ҶС «Фурудгоҳи байналмилалии Душанбе» Рустам Холиқов дар нишасти матбуотӣ аз рӯи натиҷаи фаъолият тайи соли 2011 дар ин бора хабар дод.Дар нишасти матбуотӣ ҳамчунин зикр шуд, ки роҳбарияти фурудгоҳи шаҳри Душанбе ба мустаҳкам намудани заминаи моддию техникӣ ҷиҳати беҳдошти хидматрасонӣ таваҷҷӯҳи зиёде медиҳад. Бо ин мақсад аз Ҷумҳурии Мардумии Чин таҷҳизоту техникаи нави ҳавопаймоӣ харидорӣ шудааст..