Бахшида ба «Рӯзи Модар»

Хоруғ, 5 март. (АМИТ «Ховар», Л.Додо ). – Бо ибтикори ташкилоти ҷамъиятии «Сано» дар ҳамкорӣ бо роҳбарони форуми хонандагони мактаби № 8 — уми шаҳри Хоруғ бахшида ба «Рӯзи Модар» чорабинии идона баргузор шуд.Дар баргузории ин барномаи фароғатию маърифатӣ занони фаъоли маҳаллаи Хоруғи Боло низ нақши назаррас гузоштанд. Мудири кӯдакистони рақами 3 – уми шаҳри Хоруғ Гулбахт Ғалчабекова иброз дошт, ки Зан — Модар ситораи дурахшони рӯи олам аст, ки бо шуои худ зиндагии ҳамаи моро рӯшанӣ мебахшад.Дар ҷараёни ин чорабинӣ толибилмони мактаби рақами 3 аз ашъори адибони классикии форсу тоҷик порчаҳоро дар васфи Зан – Модар қироат карданд. Ҳамчунин ҷавондухтарони маҳаллаи Тирчид либосҳои миллии бадахшониро ба маърази намоиш гузоштанд.Дар фарҷоми ин чорабинӣ барои болидагии хотири иштирокдорон дастагули мусиқӣ тақдим гардид.