Масъалаҳои соҳибкорӣ муҳокима мешаванд

Душанбе, 4 апрел. (АМИТ «Ховар», Людмила Дубинина). – «Масъалаҳо ва дурнамои рушди соҳибкорӣ дар бахши воқеии иқтисоди Тоҷикистон» — чунин аст мавзӯи конфронси илмию амалии ҷумҳуриявӣ, ки 6 апрел дар Маркази тадқиқоти стратегии назди Президенти ҶТ баргузор мешавад.Тавре аз маркази мазкур хабар доданд, конфронс ба масоили муайян намудани вазъи ҳозираи соҳибкорӣ ва истифодаи имконияту захираҳои дохилӣ барои рушду соҳибкории истеҳсолии кишвар бахшида мешавад. Ин тадбир дар партави паёми Президенти Ҷумҳурии Тоҷикистон ба парлумони мамлакат ки дар он ба масъалаҳои рушди соҳибкории истеҳсолӣ таваҷҷӯҳи хоса дода шуд, роҳандозӣ шудааст.