Муҳокимаи рушди тиҷорати байнимарзӣ

Душанбе, 19 апрел. (АМИТ «Ховар», Марҳабо Зунунова). – Имрӯз, 19 апрел, дар Маркази матбуоти ҷумҳуриявии «Иттилоот ва муошират» конфронси матбуот барои журналистон аз рӯи натиҷаи лоиҳаи Барномаи рушди СММ «Тақвияти имкониятҳои байнисарҳадию транзитӣ барои соҳибкорони тоҷику афғон дар вилояти Хатлони Ҷумҳурии Тоҷикистон» баргузор мегардад. Дар ин бора аз Ассотсиатсияи миллии менеҷеру тоҷирон хабар доданд.Мувофиқи суханони манбаъ, дар конфронси матбуот намояндагони вазорату идораҳои Ҷумҳурии Тоҷикистон ва сафоратҳои Афғонистону Ҷопон дар Ҷумҳурии Тоҷикистон иштирок менамоянд.