Офати табиӣ дар 4 моҳ чӣ қадар хисорот овард?

Душанбе, 24 май. (АМИТ «Ховар», Лаззат Диловарзод).-Тибқи маълумоти Кумитаи ҳолатҳои фавқулодда ва мудофиаи гражданӣ, дар 4 моҳи соли ҷорӣ дар қаламрави мамлакат 226 ҳолати офати табиӣ ба қайд гирифта шудааст, ки ҳаҷми зарари он 28 млн. сомонӣ арзёбӣ гардид. Бар асари офати табиӣ даҳҳо километр роҳҳои автомобилгард, манзили зист, замини кишту қитъаҳои замини назди ҳавлигӣ, шумораи зиёди чорво ва шабакаҳои таъминоти обу кӯпрукҳои пиёдагарду мошингард осеб дидаанд.Танҳо дар вилояти Хатлон зарари аз офати табиӣ расида 10 млн. сомониро ташкил дод. Дар вилоят 421 хонаи истиқоматӣ, беш аз 1600 гектар замини кишту боғу токзор, наздик ба 650 гектар қитъаи замини наздиҳавлигӣ, 31 адад купрӯку 90 км роҳ, шабакаҳои таъмини обу хати интиқоли барқ зарар дида, садҳо сар чорво талаф ёфтаанд.