Қасами садоқат ба Ватан
Душанбе, 11 июн. (АМИТ «Ховар», Лутфия Эшонқулова ). – 200 нафар сарбозони наве, ки барои адои хидмат дар қӯшунҳои сарҳадӣ даъват шудаанд, дар яке аз қисмҳои ҳарбии Сарраёсати қӯшунҳои сарҳадии Кумитаи давлатии амнияти миллии Тоҷикистон қасами садоқат ба Ватан ёд карданд.Мувофиқи хабари маркази матбуоти Сарраёсати қӯшунҳои сарҳадии Тоҷикистон дар ин маросим муовини фармондеҳи қӯшунҳои сарҳадии ҶТ Саидамир Одинаев, собиқадорони қӯшунҳои сарҳадӣ, волидайн ва пайвандони аскарони ҷавон иштирок доштанд.Аскарбачаҳо давоми ду моҳ дар курсҳои ҷанговари ҷавон таҳсил намуда, баъди он барои адои хидмат ба посбонгоҳҳои сарҳадӣ фиристода мешаванд.