Гурӯҳи корӣ дар маҳал

Хоруғ, 12 июн. (АМИТ «Ховар», Л.Додо ). – Гурӯҳи кории мақомоти маҳаллии ҳокимияти давлатии ноҳияи Роштқалъа ба манзури тарғиби Паёми Президенти ҷумҳурӣ ба Маҷлиси Олии кишвар чанд рӯз боз дар ҷамоатҳои деҳоти Тавдем, Тусён, Мирсаид Миршакар, Роштқалъа, Барвоз ва Сежд бо мардум мулоқот дорад.Ба ҳайати гурӯҳ кормандони масъули мақомоти маҳаллии ҳокимияти давлатии ноҳия, сиёсатмадорон ва рӯзноманигорону шоирон шомиланд. Аз ҷараёни мулоқотҳо бармеояд, ки сокинони деҳот сиёсати давлатро ба манзури пайваста беҳбудӣ ёфтани рӯзгори сокинони деҳот ва ободонии диёр ҳамаҷониба ҷонибдорӣ менамоянд. Аъзои гурӯҳи корӣ мӯҳтавои нуктаҳои асосии Паёми Президенти кишварро ба сокинони деҳот муфассал шарҳ медиҳанд.