4 ҳазору 703 км роҳ аз таъмири ҷорӣ бароварда шуд

Душанбе, 25 июл.(АМИТ «Ховар», Меҳрубон Сатторова).- Вазири нақлиёти ҷумҳурии Тоҷикистон Низом Ҳакимов дирӯз зимни нишасти матбуотӣ оид ба фаъолияти соҳаҳои нақлиёт дар нимсолаи аввали соли 2012 гуфт, ки барои нигаҳдории роҳҳои мошингард 26 млн. 79 ҳазор сомонӣ аз буҷаи ҷумҳуриявӣ ҷудо гардида, 4 ҳазору 703 км роҳи мошинлгард аз таъмири ҷорӣ бароварда шуд. Аз ҷумла вазири нақлиёт гуфт, ки ҳаҷми боркашонӣ тавассути ҳамаи намудҳои нақлиёт ба андозаи 8 миллиону 600 ҳазору 800 тонна ва мусофирбарӣ дар ҳаҷми 83 миллиону 828 ҳазору 500 мусофир таъмин гардид, ки нисбат ба нишондихандаҳои ҳамин давраи соли 2011 мутаносибан боркашонӣ 1,6 фоиз кам ва мусофирбарӣ 1,7 фоиз зиёд аст. Дар ин давра аз ҳисоби иҷрои корҳои назоратию танзимӣ 9 миллиону 175 ҳазору 780 сомонӣ ҳисобӣ гардидааст, ки аз ин 1миллиону 14 ҳазору 160 сомонӣ аз ҳисоби иҷозатномадиҳӣ, 4 миллиону 410 ҳазору 225 сомонӣ аз ҳисоби ҷаримабандӣ, 3 миллиону 751 ҳазору 399 сомонӣ аз ҳисоби дигар фаъолияти танзимӣ мебошанд. Доир ба танзими нақлиёт ва нархгузории нақлиёти мусофирбар сухан ронда, вазири иброз намуд, ки дар ҳолати қонуншикании ронандагон дар ҳама ҳолат мусофирон метавонанд ба телефонҳои боварӣ занг зананд.