Анҷоми рисолати Кен Гросс дар Тоҷикистон
Душанбе, 9 июл. (АМИТ «Ховар», Афшини Муқим).- Имрӯз Президенти кишвар Эмомалӣ Раҳмон Сафири фавқулодда ва мухтори Иёлоти Муттаҳидаи Амрико дар Тоҷикистон Кен Гроссро бинобар анҷом ёфтани мӯҳлати фаъолияти дипломатиаш дар кишвари мо ба ҳузур пазируфт. Эмомалӣ Раҳмон аз фаъолияти сесолаи Кен Гросс дар Тоҷикистон изҳори қаноатмандӣ намуда, иброз дошт, ки ҳамкориҳои Тоҷикистон бо ИМА минбаъд низ густариш хоҳанд ёфт. Кен Гросс низ дар навбати худ нақши Тоҷикистонро дар таҳкими сулҳу субот дар минтақа муҳим арзёбӣ намуда, таъкид дошт, ки минбаъд низ барои рушду тавсеаи ҳамкориҳои ду кишвар кӯмаки худро дареғ нахоҳад дошт. Номбурда илова намуд, ки Сюзан Элиот- дипломати ботаҷриба, ки ба ҳайси муовини роҳбари Раёсати кишварҳои Осиёи Ҷанубӣ ва Марказӣ дар Департаменти давлатии ИМА фаъолият мекунад, ҷойгузини ӯ хоҳад шуд. Қобили қайд аст, ки Барак Обама- Президенти ИМА 11 апрели соли ҷорӣ номзадии Сюзан Элиотро ба мақоми сафири ИМА дар Тоҷикистон пешниҳод карда буд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
