Духтарони тоҷик футбол мебозанд
Душанбе, 20 июл. (АМИТ “Ховар”, Аловиддин Бӯриев).- Аз 19 то 28 октябри соли равон дар Урдун гузаронидани мусобиқаи интихобии чемпионати Осиё байни бонувони то 19 сола дар гурӯҳи «В» дар назар аст. Дар он дастаҳои Эрон,Урдун, Фаластин ва Тоҷикистон ширкат мекунанд. Дастаи мунтахаби Тоҷикистон бори аввал ба чунин мусобиқа меравад. То кунун дастпарварони Сулаймон Бобокалонов таҷрибаи бойи иштирок дар чунин бозиҳоро надоранд ва ин дар ривоҷи футболи бонувон қадами аввалин хоҳад буд. Дар марҳилаи аввали бозиҳои интихобӣ дар баробари футболбозони гурӯҳи «С», дар гурӯҳи «А» дастаҳои мунтахаби Ҳиндустон, Ӯзбекистон, Қирғизистон ва Бангладеш, дар гурӯҳи «С» Тайван, Мянмар, Филиппин ва Гонконг барои ду роҳхат аз ҳар гурӯҳ мубориза мебаранд.Марҳилаи дуввуми бозиҳо аз 1 то 9 декабр дар Ветнам доир хоҳад шуд. Қисмати ниҳоии чемпионати Осиё соли 2013 гузаронида мешавад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
