Маъюбону пиронсолон пайваста дастгирӣ меёбанд
Душанбе, 10 июл. (АМИТ «Ховар», Мавҷуда Анварӣ). — Маъюбон ва шахсони барҷомонда, ки бо амри тақдир дар хонаи пиронсолон умр ба сар мебаранд, пайваста мӯҳтоҷи дастгирӣ, ғамхорӣ, нигоҳубин ва меҳрубонӣ мебошанд. Бо мақсади расонидани кӯмаки молиявӣ ба маъюбон, иштирокчиёни Ҷанги Бузурги Ватанӣ ва меҳнат, хона-интернатҳо ва оилаҳои мӯҳтоҷ Агентии назорати маводи нашъаовари назди Президенти Ҷумҳурии Тоҷикистон ба хона-интернати маъюбон ва пиронсолони «Батош»-и ноҳияи Турсунзода ёрӣ расонид. Тавре ки аз Агентии мазкур ба АМИТ «Ховар» иттилоъ доданд, ин навбат барои ташкили муҳити хонагӣ ба онҳо кати хоб (диван) тӯҳфа гардид. Ёдовар мешавем, ки Агентии назорати маводи нашъаовар аз соли 2001 то имрӯз ба хона-интернати «Батош» таҷҳизоти техникӣ барои рӯзғор, маҳсулоти хӯрокворӣ, дору ва дигар намуди маҳсулот ба маблағи қариб 100 ҳазор сомонӣ ёрии моддӣ расонидааст. Хона-интернати «Батош» соли 1972 ба фаъолият оғоз намуда, айни ҳол дар он қариб 190 нафар бошандагони аз 26 то 90-сола аз тамоми гӯшаю канори ҷумхурӣ истиқомат доранд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
