Мулоқоти вакилони парлумони тоҷик бо вакили Парлумони Аврупо
Душанбе, 14 июл. (АМИТ «Ховар», Дилшодаи Хайруллоҳ).- 12 июли соли 2012 дар доираи сафари вакилони Маҷлиси намояндагони Маҷлиси Олии Ҷумҳурии Тоҷикистон Гиёев Сайфулло, Маҳмудов Насрулло, Баракатулло Атохоҷа ва Иномов Абдузафар ба шаҳри Брюссел вохӯрии онҳо бо вакили Парлумони Аврупо Струан Стивенсон баргузор гардид. Зимни мулоқот масъалаҳои ҳолати кунунӣ ва дурнамои рушди робитаҳои дуҷониба байни Маҷлиси намояндагони Маҷлиси Олии Ҷумҳурии Тоҷикистон ва Парлумони Аврупо баррасӣ гардиданд. Вакилони Маҷлиси намояндагони Маҷлиси Олии Ҷумҳурии Тоҷикистон аз сатҳи ҳамкории самарабахши миёни парлумони Тоҷикистон ва Иттиҳоди Аврупо изҳори қаноатмандӣ намуданд. Онҳо нақши муҳими вакили Парлумони Аврупо Струан Стивенсонро дар ташаккул додани симои мусбати Тоҷикистон дар маркази Иттиҳоди Аврупо таъкид сохта, барои саҳми ӯ дар рушди робитаҳои мутақобилан судманди байнипарлумонӣ ва дастгирӣ дар амалисозии барномаҳои созандаи Тоҷикистон миннатдории худро баён доштанд.Струан Стивенсон ибрози боварӣ кард, ки ў дар оянда низ саҳми сазовори худро барои густариши муносиботи миёни Парлумони Аврупо ва Маҷлиси намояндагони Маҷлиси Олии Ҷумҳурии Тоҷикистон, ташаккули афкори мусбати ҷомеаи Аврупо роҷеъ ба дастовардҳои Тоҷикистон ва татбиқи барномаҳои созандагӣ, бахусус гидроэнергетика, хоҳад гузошт.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
