Созишҳои судманд миёни ТАЛКО ва «Азералюминий»

Душанбе, 13 июл. (АМИТ «Ховар»). — Зимни сафари расмии Президенти Тоҷикистон Эмомалӣ Раҳмон ба Озарбойҷон як зумра тавофуқоти муҳим барои рушди ҳамкории Корхонаи воҳиди давлатии «Ширкати алюминийи тоҷик» (ТАЛКО) бо Корхонаи алюминийи Озарбойҷон «Азералюминий» ҳосил шуд.Мушаххасоти чунин ҳамкорӣ, аз ҷумла дар Ёддошти тафоҳум доир ба рушди ҳамкорӣ миёни ТАЛКО ва «Азералюминий» инъикос ёфтааст.Мутобиқи созиши сеҷонибаи ТАЛКО, «Азералюминий» ва ширкати амрикоии «Сокар Фостер Вилер» («Socar Foster Wheeler») бояд дар ҷануби Тоҷикистон як корхонаи коркарди нафт бунёд ёбад.Президенти Озарбойҷон Илҳом Алиев ба роҳбарони сохторҳои марбути кишвари худ дастур дод, ки ТАЛКО-ро бо кокси нафтӣ бо нархҳои имтиёзӣ таъмин намоянд.Илҳом Алиев бо изҳори ҳавасмандӣ ба рушди ҳамкории иқтисодию тиҷоратӣ бо Тоҷикистон ба роҳбарони сохторҳои дахлдори давлати худ ҳамчунин дастур додааст, ки лоиҳаҳои инвеститсионии Тоҷикистонро барои иштирок дар татбиқи амалии онҳо мавриди омўзишу баррасӣ қарор диҳанд.