Чанд хабар аз хориҷи кишвар

Ҳамла ба мусофирбар Душанбе, 23 август. (АМИТ «Ховар» ).-Дар қисми шимолии Покистон як нақлиёти мусофирбар мавриди ҳамла қарор гирифта, чанд нафар ба ҳалокат расидааст ва боқимондаҳо захмҳои гуногун бардоштаанд. Тавре ки вазири корҳои дохилии мамлакат мегӯяд: ин ҳодиса аз ҷониби ҳавопаймоҳои бесарнишини нерўҳои ҳарбию ҳавоии ИМА сурат гирифтааст. Кормандони мақомоти қудратӣ ва ҳолатҳои фавқулоддаи Покистон ба ҷойи ҳодиса ҳозир шуда, нафарони захмбардоштаро ба дармонгоҳ интиқол доданд. Бояд қайд кард, ки давоми соли ҷорӣ дар ҳудуди Ҷумҳурии Исломии Покистон бар асари ҳамлаҳои ҳавопаймоҳои бесарнишини нерўҳои ҳарбию ҳавоии ИМА беш аз 200 нафар ҷони худро аз даст додаанд. Аз чунин ҳодисаҳои номатлуб бештар ба аҳолӣ осеби вазнин мерасад. Тўфони шадид дар Амрико Душанбе, 23 август. (АМИТ «Ховар» ).- Рӯз ба рӯз тўфони шадиди баҳрӣ ба штати Флоридаи Иёлоти Муттаҳидаи Амрико наздик мешавад. Мутахассисони марказҳои ҳавошиносӣ макони хурўҷи тўфонро наздикии соҳилии уқёнуси Атлантика нишон медиҳанд. Ҳоло дар ин штат вазиши шамол дар як сония то 20 метрро ташкил медиҳад. Ҳавошиносон оқибатҳои тўфонро харобиовар арзёбӣ менамоянд. Обшавии пиряхҳо дар Арктика Душанбе, 23 август. (АМИТ «Ховар»).- Дар Арктика обшавии пиряхҳо ба суръати рекордӣ расидааст. Ба гуфти мутахассисони ҳавошиноси Япония олимони кишвар дар натиҷаи гузаронидани тадқиқоти илмӣ чунин ҳолатро якумин бор муайян намудаанд. Олимон бар ин назаранд, ки дар давоми моҳи оянда эҳтимол обшавии яхҳо ва васеъшавии майдони масофаи яхҳо дар Арктика ба 400 ҳазор километри мураббаъ баробар гардад. Ба андешаи мутахассисон, дар сурати идома ёфтани баландшавии ҳарорати ҳаво ва тағирёбии иқлим, эҳтимол пас аз 90 фасли тобистон дар Арктика пиряхҳо ба пуррагӣ об шаванд.Болоравии арзиши маводи сўхт дар Италия Душанбе, 23 август. (АМИТ «Ховар»).- Дар Италия арзиши маводи сӯзишворӣ боло рафта, нархи як литр бензин акнун ба 2 евро баробар аст. Ин ҳолат норозигии сокинонро ба миён овард. Ба гуфти расонаҳои хабарӣ, Италия аз рўи гаронии нархи сўзишворӣ дар байни давлатҳои Аврупо ҷой 2-юмро касб менамояд. Дар ҷои аввал Норвегия қарор дорад. Мувофиқи маълумоти иқтисоддонҳо ин ҳолат дар Италия бори аввал ба чашм мерасад.Тарҷумаи Иброҳими Ҳабибуллоҳ.