Машғулиятҳои шавқовару эҷодӣ дар «Зимчуруд»

Душанбе, 22 август. (АМИТ «Ховар», Музаффар Рустамов). – Аз 21 то 26-уми августи соли 2012 мактаббачагони лаёқатманд дар мавзеи хушманзараи истироҳатгоҳи «Зимчуруд» бо лагери фароғатию омўзишӣ фаро гирифта мешаванд. Дар лагер 120 нафар хонанда истироҳат мекунанд. Масъули баргузории чунин шакли фароғатгоҳ Муассисаи давлатии «Маркази рушди истеъдодҳо»-и Раёсати маорифи шаҳри Душанбе мебошад. «Маркази рушди истеъдодҳо» соли чорум аст, ки лагерҳои фароғатию омўзиширо ташкил ва мекунад.  Мақсади гузаронидани чунин лагер фаро гирифтани мактаббачагони лаёқатманд дар давраи тобистон ва тавассути истироҳат дар манзараҳои хушҳавову бароҳати дараи Варзоб ҳамзамон ба машғулиятҳои шавқовару эҷодӣ ҷалб намудани онҳо мебошад.