Ёрии башардӯстона дар шаш моҳи охир

Душанбе, 1 август. (АМИТ «Ховар»,Фирӯза Давлатова). — Дар моҳҳои январ-июни соли 2012 ба ҷумҳурӣ 31 мамлакати хориҷи дуру наздик ба маблағи 40403,6 ҳазор доллар ё 12271,1 тонна ёрии башардӯстона расонидаанд. Аз ҷумла орд-8487,7 тонна ё 3967,1 ҳазор доллар, равғани растанӣ-514,9 тонна ё 799,4 ҳазор доллар, доруворӣ ба маблағи -17709,7 ҳазор доллар, либос ва пойафзол-705,3 ҳазор доллар, инчунин маҳсулоти озуқа, кӯрпаю болишт, дастгоҳҳои тиббӣ, асбобҳои маишии электронӣ, таҷҳизоти компютерӣ ворид шуд. Аз ҷумлаи мамлакатҳои ёрирасон таносуби бештар ба ИМА-45,3 фоиз, Миср-5,2 фоиз, Нидерланд-4,5 фоиз, Латвия-4 фоиз, Ҷумҳурии Корея-3,7 фоиз, Эрон-3,3 фоиз, Олмон ва Чин-3,1 фоиз, Фаронса-3 фоиз, Дания-1,9 фоиз, Русия-12,9 фоиз, Қазоқистон 3,5 фоиз ва Кирғизистон-1,5 фоиз рост меояд.