Дастгирии Ҷопон аз маркази нефрологии Душанбе

Душанбе, 20 сентябр. (АМИТ «Ховар», Дилшодаи Хайруллоҳ)- Имрӯз Ҳироюки Имаҳашӣ, сафири Ҷопон дар Ҷумҳурии Тоҷикистон ва Мария Шехова, сардухтури Маркази нефрологӣ дар назди бемористони клиникии кӯдаконаи №2 созишномаи грантӣ роҷеъ ба «Лоиҳаи беҳтар намудани таҷҳизоти тиббии Маркази ҷумҳуриявии нефрологии кӯдаконаи Тоҷикистон»-ро ба маблағи 106 ҳазору 548 доллари ИМА ба имзо расониданд. Лоиҳа аз тарафи Ҳукумати Ҷопон дар чаҳорчӯбаи кӯмакҳои бебозгашти лоиҳаҳои амнияти башарӣ барои бахши аъзами аҳолӣ дастгирӣ мешавад. Маркази нефрологӣ ягона муассисаи тиббиест, ки бо маризиҳои гурдаи кӯдакона дар Ҷумҳурии Тоҷикистон мустақиман кор мебарад ва барои пешкаш намудани хизматрасонии тиббӣ барои беш аз 3000 кӯдак дар як сол нақши асосиро мебозад. Лекин бештари таҷҳизоти тиббии мавҷуда кӯҳна буда, дар ҳолати ногувор мебошанд. Норасоии таҷҳизоти тиббӣ аз омилҳои асосии хизматрасонии хуби тиббӣ барои беморон мебошад. Дар натиҷаи татбиқи лоиҳаи мазкур таҷҳизоти нави тиббӣ, ба монанди УЗИ, коагулятор дар марказ пайваст мегарданд Татбиқи лоиҳа боиси баланд бардоштани сатхи хизматрасонии тиббӣ барои беш аз 3000 бемори гурда мегардад. Бешубҳа, лоиҳа беҳтар намудани саломатии мардум ва ҳимояи ҳуқуқи онҳоро барои пеш бурдани ҳаёти солим дар назар дорад.