Директори радио директори ТВП таъин шуд
Душанбе, 28 сентябр.(АМИТ «Ховар», Марзия Саидова).-Директори радиои Тоҷикистон Абдуқодири Абдуқаҳҳор дар асоси қарори раиси шаҳри Душанбе Маҳмадсаид Убайдуллоев директори Муассисаи давлатии телевизиони «Пойтахт» таъин гардид. Абдуқодири Абдуқаҳҳор дар озмуне, ки аз ҷониби шаҳрдории Душанбе тобистони соли ҷорӣ ҷиҳати ноил гардидан ба вазифаи директории ТВ «Пойтахт» эълон гардида буд, иштирок намуда, дар байни беш аз 10 довталаб ғолиб омад ва ба вазифаи директори ТВ «Пойтахт» таъин гардид. Мавсуф дастпарвари факултаи филологияи Донишгоҳи миллии Тоҷикистон буда, 44 сол дорад. Абдуқодири Абдуқаҳҳор аз соли 1995 дар бахши журналистикаи тоҷик фаъолияти густурда дошта, дар вазифаҳои муҳаррир, муовини сармуҳаррири идораи иттилоотии телевизиони Тоҷикистон, муовини сармуҳаррири идораи «Субҳ», сармуҳаррири идораи барномаҳои сиёсии ТВ Тоҷикистон ва аз соли 2006 инҷониб ба ҳайси директори радиои Тоҷикистон кор кардааст.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
