Мусодираи се бастаи героиндор

Душанбе, 13 август. (АМИТ «Ховар», Мавҷуда Анварӣ). — Дирӯз кормандони мақомоти Вазорати корҳои дохилӣ дар вилояти Суғд шаҳрванд Ҷумъахон Одинаевич Нурови 37- сола, сокини шаҳри Чкаловро бо гумони ғайриқонунӣ нигоҳ доштани маводи мухаддир дастгир намуданд.Дар ин бора аз Вазорати корҳои дохилии кишвар ба хабарнигори АМИТ «Ховар» иттилоъ доданд.Тибқи иттилои манбаъ, хангоми кофтукови шахсӣ аз ӯ 3 бастаи селофанӣ, ки дар дохилашон 4 килою 389 грамм маводи нашъадори навъи героин буд, дарёфт ва мусодира гардид.Аз рӯи ин ҳодиса парвандаи ҷиноӣ оғоз гардида, тафтиш идома дорад.